Xəbərlər

Naxçıvan KOB İnkişaf Mərkəzi (KOBİM) tərəfindən "Bazar araşdırması və bazar imkanlarının qiymətləndirilməsi" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Bazar araşdırması və bazar imkanlarının qiymətləndirilməsi" mövzusunda maarifləndirici təlim keçirilib. Noyabrın 3-də təşkil olunan təlimdə Naxçıvan KOBİM-in eksperti tərəfindən bazarın öyrənilməsi metodları, rəqib və istehlakçı analizinin aparılması, bazar seqmentasiyası, trendlərin müəyyənləşdirilməsi və biznes üçün potensial imkanların qiymətləndirilməsi barədə ətraflı məlumat verilib. Eyni zamanda 7 nəfər iştirakçının olduğu təlimdə praktiki nümunələr üzərində bazar araşdırmasının aparılması, məlumatların təhlili və strateji qərarların bazar imkanlarına əsaslanaraq verilməsi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.