Xəbərlər

Naxçıvan KOB İnkişaf Mərkəzi (KOBİM) tərəfindən "Biznes mədəniyyəti" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Biznes mədəniyyəti" mövzusunda maarifləndirici təlim keçirilib. Noyabrın 17-də təşkil olunan təlimdə Naxçıvan KOBİM-in eksperti tərəfindən biznes etikasının əsas prinsipləri, korporativ davranış qaydaları, iş yerlərində qarşılıqlı hörmət və əməkdaşlıq mühitinin yaradılması, peşəkar ünsiyyət standartları və məsuliyyətli idarəetmə mədəniyyəti barədə ətraflı məlumat verilib. Eyni zamanda 8 nəfər iştirakçının olduğu təlimdə işgüzar münasibətlərdə etik problemlərin həlli, davranış kodekslərinin tətbiqi, iş mühitində etik qərarvermə, komanda və rəhbərlik arasında şəffaf ünsiyyətin qurulması və beynəlxalq biznes mədəniyyətlərindən nümunələrin müqayisəsi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.