Xəbərlər

Naxçıvan KOB İnkişaf Mərkəzi (KOBİM) tərəfindən "Biznes planların hazırlanması" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Biznes planların hazırlanması" mövzusunda maarifləndirici təlim keçirilib. Sentyabrın 26-da təşkil olunan təlimdə Naxçıvan KOBİM-in eksperti tərəfindən biznes planın mahiyyəti, əsas struktur elementləri, bazar araşdırmasının əhəmiyyəti, maliyyə planlaşdırılması və müasir yanaşmalar barədə ətraflı məlumat verilib. Eyni zamanda 9 nəfər iştirakçının olduğu təlimdə məqsəd və hədəflərin düzgün müəyyənləşdirilməsi, risklərin qiymətləndirilməsi, fəaliyyət strategiyalarının hazırlanması, investisiya cəlbi üçün biznes planın rolu və icra mexanizmləri ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.