Xəbərlər

Naxçıvan KOB İnkişaf Mərkəzi (KOBİM) tərəfindən "Biznes proseslərinin təkmilləşdirilməsi" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Biznes proseslərinin təkmilləşdirilməsi" mövzusunda maarifləndirici təlim keçirilib. Sentyabrın 23-də təşkil olunan təlimdə Naxçıvan KOBİM-in eksperti tərəfindən biznes proseslərinin mahiyyəti, səmərəliliyin artırılması üsulları, idarəetmə mexanizmlərinin təkmilləşdirilməsi, resursların optimallaşdırılması və müasir biznes idarəçiliyi trendləri barədə ətraflı məlumat verilib. Eyni zamanda 6 nəfər iştirakçının olduğu təlimdə lean menecment yanaşmaları, keyfiyyətin idarə olunması, rəqəmsal həllərin tətbiqi, davamlı inkişaf üçün proseslərin uyğunlaşdırılması və rəqabət üstünlüyü əldə etmə yolları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.