Xəbərlər

Naxçıvan KOB İnkişaf Mərkəzi (KOBİM) tərəfindən "Biznesdə korporativ sosial məsuliyyət" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Biznesdə korporativ sosial məsuliyyət" mövzusunda maarifləndirici təlim keçirilib. Sentyabrın 23-də təşkil olunan təlimdə Naxçıvan KOBİM-in eksperti tərəfindən korporativ sosial məsuliyyətin (KSM) mahiyyəti, şirkətlərin ictimaiyyət qarşısında öhdəlikləri, dayanıqlı inkişaf prinsipləri, etik biznes davranışları və müasir KSM trendləri barədə ətraflı məlumat verilib. Eyni zamanda 6 nəfər iştirakçının olduğu təlimdə KSM-in biznes imicinə təsiri, ekoloji və sosial layihələrin əhəmiyyəti, maraqlı tərəflərlə münasibətlərin qurulması, şəffaflıq və hesabatlılıq mexanizmləri, regionlarda sosial təşəbbüslərin reallaşdırılması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.