Xəbərlər

Naxçıvan KOB İnkişaf Mərkəzi (KOBİM) tərəfindən "Biznesdə liderlik və onun təsir mexanizmləri" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Biznesdə liderlik və onun təsir mexanizmləri" mövzusunda maarifləndirici təlim keçirilib. Sentyabrın 27-də təşkil olunan təlimdə Naxçıvan KOBİM-in eksperti tərəfindən liderliyin mahiyyəti, rəhbərlik və liderlik arasındakı fərqlər, liderliyin təşkilatlarda rolu, motivasiya və işçi məmnuniyyətinə təsiri, müasir liderlik yanaşmaları barədə ətraflı məlumat verilib. Eyni zamanda 6 nəfər iştirakçının olduğu təlimdə fərqli liderlik üslubları, komanda idarəçiliyində liderliyin əhəmiyyəti, qərarvermədə liderin rolu, innovasiyalara təsir mexanizmləri və uğurlu liderlik nümunələri ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.