Xəbərlər

Naxçıvan KOB İnkişaf Mərkəzi (KOBİM) tərəfindən "Blockchain texnologiyası" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Blockchain texnologiyası" mövzusunda maarifləndirici təlim keçirilib. Noyabrın 4-də təşkil olunan təlimdə Naxçıvan KOBİM-in eksperti tərəfindən blockchain-in əsas prinsipləri, desentralizasiya, məlumatların təhlükəsizliyi, əməliyyatların şəffaflığı və smart kontraktların işləmə mexanizmləri barədə ətraflı məlumat verilib. Eyni zamanda 5 nəfər iştirakçının olduğu təlimdə blockchain texnologiyasının biznes və maliyyə sahələrində tətbiq imkanları, kriptovalyutalar, rəqəmsal aktivlərin idarə edilməsi və innovativ həllərin istifadəsi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.