Xəbərlər

Naxçıvan KOB İnkişaf Mərkəzi (KOBİM) tərəfindən "Büdcələşdirmə və xərclərin nəzarəti" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Büdcələşdirmə və xərclərin nəzarəti" mövzusunda maarifləndirici təlim keçirilib. Noyabrın 27-də təşkil olunan təlimdə Naxçıvan KOBİM-in eksperti tərəfindən büdcənin hazırlanması prinsipləri, xərclərin planlaşdırılması, maliyyə vəsaitlərinin səmərəli bölüşdürülməsi, xərc mərkəzlərinin təhlili və büdcəyə nəzarət mexanizmləri barədə ətraflı məlumat verilib. Eyni zamanda 6 nəfər iştirakçının olduğu təlimdə büdcə icrasının izlənməsi, qənaət imkanlarının müəyyənləşdirilməsi, maliyyə risklərinin azaldılması, operativ hesabatlılıq və real iş nümunələri əsasında büdcə optimallaşdırma üsulları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.