Xəbərlər

Naxçıvan KOB İnkişaf Mərkəzi (KOBİM) tərəfindən "Copywriting" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Copywriting" mövzusunda maarifləndirici təlim keçirilib. Noyabrın 3-də təşkil olunan təlimdə Naxçıvan KOBİM-in eksperti tərəfindən təsirli mətnlərin hazırlanması prinsipləri, auditoriyanı cəlb edən yazı texnikaları, məhsul və ya xidmətlərin marketinq məqsədilə təqdim olunması, həmçinin brendin səsini və mesajını düzgün çatdırmaq üsulları barədə ətraflı məlumat verilib. Eyni zamanda 9 nəfər iştirakçının olduğu təlimdə real nümunələr üzərində copywriting bacarıqlarının tətbiqi, reklam və sosial media mətnlərinin hazırlanması, oxucu diqqətini cəlb edən strategiyalar və mesajın effektivliyinin ölçülməsi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.