Xəbərlər

Naxçıvan KOB İnkişaf Mərkəzi (KOBİM) tərəfindən "Debitor və kreditor borcları" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Debitor və kreditor borcları" mövzusunda maarifləndirici təlim keçirilib. Oktyabrın 30-da təşkil olunan təlimdə Naxçıvan KOBİM-in eksperti tərəfindən debitor və kreditor borclarının mahiyyəti, onların maliyyə idarəetməsində rolu, borcların uçotu və təhlili, ödəniş intizamının təmin edilməsi və risklərin azaldılması yolları barədə ətraflı məlumat verilib. Eyni zamanda 6 nəfər iştirakçının olduğu təlimdə borcların idarə olunması strategiyaları, gecikmələrin qarşısının alınması, balans və pul axınına təsir mexanizmləri, debitorlarla effektiv kommunikasiya və kreditor öhdəliklərinin düzgün planlaşdırılması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.