Xəbərlər

Naxçıvan KOB İnkişaf Mərkəzi (KOBİM) tərəfindən "Dəyər zənciri analizi" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Dəyər zənciri analizi" mövzusunda maarifləndirici təlim keçirilib. Oktyabrın 29-da təşkil olunan təlimdə Naxçıvan KOBİM-in eksperti tərəfindən dəyər zəncirinin mahiyyəti, biznes fəaliyyətində mərhələlərin əlaqələndirilməsi, resursların səmərəli bölgüsü, istehsal və xidmət proseslərində əlavə dəyərin yaradılması prinsipləri barədə ətraflı məlumat verilib. Eyni zamanda 7 nəfər iştirakçının olduğu təlimdə dəyər zəncirinin təhlil üsulları, rəqabət üstünlüyünün formalaşdırılması, təchizat və satış mərhələlərinin optimallaşdırılması, müştəri dəyərinin artırılması və strateji idarəetmədə dəyər yanaşması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.