Xəbərlər

Naxçıvan KOB İnkişaf Mərkəzi (KOBİM) tərəfindən "Eko turizm və yaşıl iqtisadiyyat" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Eko turizm və yaşıl iqtisadiyyat" mövzusunda maarifləndirici təlim keçirilib. Sentyabrın 22-də təşkil olunan təlimdə Naxçıvan KOBİM-in eksperti tərəfindən eko turizmin mahiyyəti, dayanıqlı turizmin prinsipləri, təbii resursların qorunması, yaşıl iqtisadiyyatın inkişaf istiqamətləri və müasir ekoloji trendlər barədə ətraflı məlumat verilib. Eyni zamanda 6 nəfər iştirakçının olduğu təlimdə eko turizmin regionların sosial-iqtisadi inkişafına təsiri, alternativ enerji mənbələrinin istifadəsi, ekoloji məsuliyyətli biznes modelləri, yerli icmaların prosesə inteqrasiyası və yaşıl iqtisadiyyatın biznes imkanları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.