Xəbərlər

Naxçıvan KOB İnkişaf Mərkəzi (KOBİM) tərəfindən "Elektron ticarət" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Elektron ticarət" mövzusunda maarifləndirici təlim keçirilib. Sentyabrın 22-də təşkil olunan təlimdə Naxçıvan KOBİM-in eksperti tərəfindən elektron ticarətin mahiyyəti, onlayn satış platformalarının imkanları, rəqəmsal bazarlara çıxış, ödəniş sistemlərinin inteqrasiyası və müasir e-commerce trendləri barədə ətraflı məlumat verilib. Eyni zamanda 10 nəfər iştirakçının olduğu təlimdə onlayn mağazaların qurulması, rəqəmsal marketinqin tətbiqi, müştəri xidmətlərinin təşkili, hüquqi və təhlükəsizlik məsələləri, elektron ticarətdə analitika və inkişaf imkanları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.