Xəbərlər

Naxçıvan KOB İnkişaf Mərkəzi (KOBİM) tərəfindən "Elektron ticarətdə marketinq" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Elektron ticarətdə marketinq" mövzusunda maarifləndirici təlim keçirilib. Sentyabrın 22-də təşkil olunan təlimdə Naxçıvan KOBİM-in eksperti tərəfindən e-commerce mühitində marketinqin rolu, rəqəmsal satış kanalları, onlayn müştəri davranışı, rəqəmsal reklam alətləri və müasir elektron marketinq trendləri barədə ətraflı məlumat verilib. Eyni zamanda 10 nəfər iştirakçının olduğu təlimdə SEO və SEM strategiyaları, sosial media inteqrasiyası, elektron poçt marketinqi, müştəri loyallığının formalaşdırılması və elektron ticarətdə analitika imkanları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.