Xəbərlər

Naxçıvan KOB İnkişaf Mərkəzi (KOBİM) tərəfindən "İnsan fəaliyyətində karbon izi və onun azaldılması hədəfləri" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "İnsan fəaliyyətində karbon izi və onun azaldılması hədəfləri" mövzusunda maarifləndirici təlim keçirilib. Sentyabrın 22-də təşkil olunan təlimdə Naxçıvan KOBİM-in eksperti tərəfindən karbon izinin mahiyyəti, iqlim dəyişikliyinə təsirləri, gündəlik fəaliyyətlərdə karbon emissiyalarının qaynaqları, enerji səmərəliliyi və yaşıl texnologiyaların tətbiqi barədə ətraflı məlumat verilib. Eyni zamanda 6 nəfər iştirakçının olduğu təlimdə karbon izinin ölçülməsi metodları, alternativ enerji mənbələrinin istifadəsi, tullantıların idarə olunması, nəqliyyatda ekoloji yanaşmalar və karbon emissiyalarının azaldılması üzrə beynəlxalq hədəflər ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.