Xəbərlər

Naxçıvan KOB İnkişaf Mərkəzi (KOBİM) tərəfindən "İstehsalın planlaşdırılması" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "İstehsalın planlaşdırılması" mövzusunda maarifləndirici təlim keçirilib. Dekabrın 2-də təşkil olunan təlimdə Naxçıvan KOBİM-in eksperti tərəfindən istehsal proseslərinin mərhələləri, tələbatın düzgün proqnozlaşdırılması, resursların planlaşdırılması, istehsal gücünün optimallaşdırılması, xammal və material ehtiyatlarının idarə olunması və istehsal qrafiklərinin hazırlanması barədə ətraflı məlumat verilib. Eyni zamanda 8 nəfər iştirakçının olduğu təlimdə istehsal proseslərində risklərin idarə edilməsi, məhsuldarlığın artırılması yolları, keyfiyyətə nəzarət mexanizmləri, Lean istehsal yanaşmaları və müəssisələr üçün səmərəli istehsal modellərinin tətbiqi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.