Xəbərlər

Naxçıvan KOB İnkişaf Mərkəzi (KOBİM) tərəfindən "Kənd təsərrüfatında rəqəmsallaşma" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Kənd təsərrüfatında rəqəmsallaşma" mövzusunda maarifləndirici təlim keçirilib. Sentyabrın 20-də təşkil olunan təlimdə Naxçıvan KOBİM-in eksperti tərəfindən aqrar sahədə rəqəmsallaşmanın mahiyyəti, innovativ texnologiyaların tətbiqi, resursların səmərəli idarə olunması, məhsuldarlığın artırılması və müasir aqrotexnoloji trendlər barədə ətraflı məlumat verilib. Eyni zamanda 7 nəfər iştirakçının olduğu təlimdə ağıllı kənd təsərrüfatı sistemləri, dron və sensor texnologiyalarının istifadəsi, məlumatların toplanması və analizi, rəqəmsal bazarlara çıxış imkanları və dayanıqlı kənd təsərrüfatı üçün rəqəmsal həllər ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.