Xəbərlər

Naxçıvan KOB İnkişaf Mərkəzi (KOBİM) tərəfindən "Kiçik biznes" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Kiçik biznes" mövzusunda maarifləndirici təlim keçirilib. Noyabrın 4-də təşkil olunan təlimdə Naxçıvan KOBİM-in eksperti tərəfindən kiçik biznesin əsas xüsusiyyətləri, başlanğıc mərhələləri, resurslardan səmərəli istifadə, biznes planlaşdırma və bazara çıxış strategiyaları barədə ətraflı məlumat verilib. Eyni zamanda 6 nəfər iştirakçının olduğu təlimdə kiçik biznesin idarə olunması, risklərin qiymətləndirilməsi, gəlir və xərclərin balanslaşdırılması və biznesin davamlı inkişaf perspektivləri ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.