Xəbərlər

Naxçıvan KOB İnkişaf Mərkəzi (KOBİM) tərəfindən "Kontrolling idarəetmə" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Kontrolling idarəetmə" mövzusunda maarifləndirici təlim keçirilib. Oktyabrın 6-da təşkil olunan təlimdə Naxçıvan KOBİM-in eksperti tərəfindən kontrolling anlayışı, idarəetmədə planlaşdırma və nəzarət funksiyalarının əlaqələndirilməsi, maliyyə və əməliyyat göstəricilərinin təhlili, qərarvermə prosesinin optimallaşdırılması və müasir idarəetmə metodları barədə ətraflı məlumat verilib. Eyni zamanda 7 nəfər iştirakçının olduğu təlimdə büdcə nəzarəti, performans göstəricilərinin izlənməsi, strateji və operativ kontrolling alətləri, resursların səmərəli istifadəsi və idarəetmədə şəffaflığın təmin olunması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.