Xəbərlər

Naxçıvan KOB İnkişaf Mərkəzi (KOBİM) tərəfindən "Kredit mənbələri və onların seçilməsi" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Kredit mənbələri və onların seçilməsi" mövzusunda maarifləndirici təlim keçirilib. Oktyabrın 9-da təşkil olunan təlimdə Naxçıvan KOBİM-in eksperti tərəfindən kredit mənbələrinin növləri, maliyyə resurslarının əldə olunması yolları, kredit məhsullarının müqayisəsi, faiz dərəcələrinin və şərtlərin qiymətləndirilməsi, eləcə də düzgün kredit qərarının verilməsi prinsipləri barədə ətraflı məlumat verilib. Eyni zamanda 9 nəfər iştirakçının olduğu təlimdə bank və qeyri-bank kredit təşkilatlarının imkanları, dövlət dəstəkli maliyyə alətləri, biznesin ehtiyaclarına uyğun maliyyələşmə formalarının seçilməsi, risklərin azaldılması və kredit münasibətlərində şəffaflığın təmin olunması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.