Xəbərlər

Naxçıvan KOB İnkişaf Mərkəzi (KOBİM) tərəfindən "Kritik düşüncə və problem həll etmə bacarığı" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Kritik düşüncə və problem həll etmə bacarığı" mövzusunda maarifləndirici təlim keçirilib. Oktyabrın 17-də təşkil olunan təlimdə Naxçıvan KOBİM-in eksperti tərəfindən kritik düşüncənin mahiyyəti, qərarvermə proseslərində rolu, məlumatların təhlilinə əsaslanan düşünmə modelləri, yaradıcı və məntiqi yanaşmanın balanslaşdırılması və effektiv problem həlli strategiyaları barədə ətraflı məlumat verilib. Eyni zamanda 7 nəfər iştirakçının olduğu təlimdə çətin situasiyalarda qərarvermə üsulları, analitik təfəkkürün inkişafı, komandada problem həllinə yanaşmalar, səhvlərdən öyrənmə mədəniyyəti və innovativ düşüncə bacarıqlarının tətbiqi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.