Xəbərlər

Naxçıvan KOB İnkişaf Mərkəzi (KOBİM) tərəfindən "Layihələrdə zamanın idarəedilməsi" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Layihələrdə zamanın idarəedilməsi" mövzusunda maarifləndirici təlim keçirilib. Sentyabrın 29-da təşkil olunan təlimdə Naxçıvan KOBİM-in eksperti tərəfindən layihələrdə vaxtın idarə olunmasının mahiyyəti, planlaşdırma və prioritetləşdirmə üsulları, resursların səmərəli istifadəsi, vaxt itkisinə səbəb olan risklərin azaldılması və müasir idarəetmə yanaşmaları barədə ətraflı məlumat verilib. Eyni zamanda 7 nəfər iştirakçının olduğu təlimdə Gantt və digər cədvəllərin tətbiqi, iş qrafiklərinin hazırlanması, mərhələlərin izlənməsi, icra müddətinə nəzarət və layihələrin vaxtında tamamlanması üçün effektiv alətlər ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.