Xəbərlər

Naxçıvan KOB İnkişaf Mərkəzi (KOBİM) tərəfindən "Layihənin planlaşdırılması" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Layihənin planlaşdırılması" mövzusunda maarifləndirici təlim keçirilib. Sentyabrın 29-da təşkil olunan təlimdə Naxçıvan KOBİM-in eksperti tərəfindən layihə planlaşdırılmasının mahiyyəti, məqsəd və vəzifələrin düzgün müəyyənləşdirilməsi, resursların səmərəli bölüşdürülməsi, vaxt və büdcə idarəçiliyi, müasir layihə idarəetmə metodları barədə ətraflı məlumat verilib. Eyni zamanda 7 nəfər iştirakçının olduğu təlimdə planlaşdırma mərhələlərinin ardıcıllığı, risklərin qiymətləndirilməsi, Gantt cədvəllərinin istifadəsi, monitorinq və nəzarət mexanizmləri, layihənin uğurla icrası üçün praktik yanaşmalar ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.