Xəbərlər

Naxçıvan KOB İnkişaf Mərkəzi (KOBİM) tərəfindən "Marketinqdə satış strategiyası" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Marketinqdə satış strategiyası" mövzusunda maarifləndirici təlim keçirilib. Oktyabrın 1-də təşkil olunan təlimdə Naxçıvan KOBİM-in eksperti tərəfindən satış strategiyalarının mahiyyəti, bazar analizinin satış planlamasındakı rolu, müştəri yönümlü yanaşmalar, rəqabət üstünlüyü yaratmaq yolları və müasir satış texnikaları barədə ətraflı məlumat verilib. Eyni zamanda 6 nəfər iştirakçının olduğu təlimdə satış kanallarının seçilməsi, qiymət strategiyalarının hazırlanması, brend dəyərlərinin satış prosesinə inteqrasiyası, emosional marketinqin tətbiqi və satış komandalarının motivasiyası ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.