Xəbərlər

Naxçıvan KOB İnkişaf Mərkəzi (KOBİM) tərəfindən "Məhsul (xidmət) portfelinin hazırlanması" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Məhsul (xidmət) portfelinin hazırlanması" mövzusunda maarifləndirici təlim keçirilib. Noyabrın 24-də təşkil olunan təlimdə Naxçıvan KOBİM-in eksperti tərəfindən məhsul və xidmət portfelinin strukturu, portfel idarəetməsinin məqsədləri, məhsul həyat dövrünün nəzərə alınması, resursların optimallaşdırılması və strateji qərarların portfel əsasında verilməsi barədə ətraflı məlumat verilib. Eyni zamanda 8 nəfər iştirakçının olduğu təlimdə mövcud məhsul və xidmətlərin analiz edilməsi, yeni məhsul imkanlarının qiymətləndirilməsi, portfel balansının yaradılması, gəlirlilik və risk faktorlarının ölçülməsi, həmçinin real nümunələr əsasında portfel quruculuğunun izahı ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.