Xəbərlər

Naxçıvan KOB İnkişaf Mərkəzi (KOBİM) tərəfindən "Mübahisələrin həlli – korporativ münaqişələr və arbitraj imkanları" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Mübahisələrin həlli – korporativ münaqişələr və arbitraj imkanları" mövzusunda maarifləndirici təlim keçirilib. Noyabrın 5-də təşkil olunan təlimdə Naxçıvan KOBİM-in eksperti tərəfindən korporativ münaqişələrin növləri, səbəbləri, qarşılıqlı razılaşma və arbitraj mexanizmləri, hüquqi çərçivədə mübahisələrin həlli üsulları barədə ətraflı məlumat verilib. Eyni zamanda 9 nəfər iştirakçının olduğu təlimdə real nümunələr üzərində korporativ mübahisələrin idarə olunması, arbitraj prosesinin tətbiqi, risklərin azaldılması və qarşılıqlı faydalı razılaşmaların əldə edilməsi strategiyaları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.