Xəbərlər

Naxçıvan KOB İnkişaf Mərkəzi (KOBİM) tərəfindən "Mühasibatlığın əsasları" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Mühasibatlığın əsasları" mövzusunda maarifləndirici təlim keçirilib. Oktyabrın 9-da təşkil olunan təlimdə Naxçıvan KOBİM-in eksperti tərəfindən mühasibat uçotunun mahiyyəti, maliyyə məlumatlarının toplanması və təhlili, gəlir və xərclərin düzgün uçotu, hesabatların hazırlanması və müasir mühasibat proqramlarının tətbiqi barədə ətraflı məlumat verilib. Eyni zamanda 11 nəfər iştirakçının olduğu təlimdə balans hesabatı və mənfəət-zərər hesabatının tərtibi, aktiv və passivlərin uçotu, ilkin sənədlərlə işləmə qaydaları, vergi uçotu ilə əlaqə və şəffaf maliyyə idarəçiliyi prinsipləri ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.