Xəbərlər

Naxçıvan KOB İnkişaf Mərkəzi (KOBİM) tərəfindən "Münasibətlər və münaqişələr" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Münasibətlər və münaqişələr" mövzusunda maarifləndirici təlim keçirilib. Sentyabrın 23-də təşkil olunan təlimdə Naxçıvan KOBİM-in eksperti tərəfindən iş və gündəlik həyatda münasibətlərin idarə olunması, ünsiyyətin psixoloji əsasları, münaqişələrin səbəbləri, münaqişələrin qarşısının alınması yolları və müasir yanaşmalar barədə ətraflı məlumat verilib. Eyni zamanda 6 nəfər iştirakçının olduğu təlimdə emosional zəkanın münasibətlərdə rolu, münaqişələrin konstruktiv həlli, komanda daxilində əməkdaşlıq və qarşılıqlı anlaşma, stressin idarə olunması və sağlam münasibətlərin qurulması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.