Xəbərlər

Naxçıvan KOB İnkişaf Mərkəzi (KOBİM) tərəfindən "Müştəri məmnuniyyəti" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Müştəri məmnuniyyəti" mövzusunda maarifləndirici təlim keçirilib. Sentyabrın 24-də təşkil olunan təlimdə Naxçıvan KOBİM-in eksperti tərəfindən müştəri məmnuniyyətinin mahiyyəti, biznes uğurunda rolu, müştəri gözləntilərinin öyrənilməsi, xidmət keyfiyyətinin artırılması və müasir müştəri yönümlü yanaşmalar barədə ətraflı məlumat verilib. Eyni zamanda 6 nəfər iştirakçının olduğu təlimdə müştəri loyallığının formalaşdırılması, geri bildirimlərin toplanması və təhlili, çətin müştərilərlə ünsiyyət strategiyaları, rəqəmsal kanallarda müştəri təcrübəsinin yaxşılaşdırılması və davamlı inkişaf üçün müştəri münasibətləri idarəçiliyi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.