Xəbərlər

Naxçıvan KOB İnkişaf Mərkəzi (KOBİM) tərəfindən "Nağd pul axınının idarə olunması" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Nağd pul axınının idarə olunması" mövzusunda maarifləndirici təlim keçirilib. Noyabrın 17-də təşkil olunan təlimdə Naxçıvan KOBİM-in eksperti tərəfindən nağd pul axınının mahiyyəti, gəlir və xərclərin sinxronlaşdırılması, qısa müddətli öhdəliklərin idarə olunması, likvidlik çatışmazlığının qarşısının alınması və pul dövriyyəsinin optimallaşdırılması üsulları barədə ətraflı məlumat verilib. Eyni zamanda 6 nəfər iştirakçının olduğu təlimdə debitor və kreditor ödənişlərinin planlaşdırılması, nağd pul proqnozlarının hazırlanması, büdcə nəzarəti, pul axını problemlərinin aşkarlanması və maliyyə dayanıqlığını artırmaq üçün tətbiq olunan praktiki alətlər ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.