Xəbərlər

Naxçıvan KOB İnkişaf Mərkəzi (KOBİM) tərəfindən "Online iş bacarıqları" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Online iş bacarıqları" mövzusunda maarifləndirici təlim keçirilib. Noyabrın 27-də təşkil olunan təlimdə Naxçıvan KOBİM-in eksperti tərəfindən rəqəmsal mühitdə effektiv işləmək üçün əsas bacarıqlar, onlayn kommunikasiya qaydaları, uzaqdan iş proseslərinin idarə olunması, rəqəmsal alətlərin seçilməsi və vaxtın idarə edilməsi üsulları barədə ətraflı məlumat verilib. Eyni zamanda 6 nəfər iştirakçının olduğu təlimdə onlayn platformalarda məhsuldarlığın artırılması, bulud texnologiyalarının istifadəsi, komanda ilə virtual əməkdaşlıq, kibertəhlükəsizlik prinsipləri və rəqəmsal etik davranış qaydaları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.