Xəbərlər

Naxçıvan KOB İnkişaf Mərkəzi (KOBİM) tərəfindən "Pay və səhmlərin hüquqi rejimi" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Pay və səhmlərin hüquqi rejimi" mövzusunda maarifləndirici təlim keçirilib. Noyabrın 3-də təşkil olunan təlimdə Naxçıvan KOBİM-in eksperti tərəfindən şirkət payları və səhmlərinin hüquqi təbiəti, sahiblik hüquqları, pay və səhmlərin əldə edilməsi və ötürülməsi, həmçinin qanunvericiliyə uyğun sənədləşmə prosesi barədə ətraflı məlumat verilib. Eyni zamanda 9 nəfər iştirakçının olduğu təlimdə pay və səhmlərlə bağlı real hüquqi nümunələr, idarəetmə və səs hüquqları, dividendlərin bölüşdürülməsi və şirkət strukturlarında hüquqi öhdəliklərin tətbiqi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.