Xəbərlər

Naxçıvan KOB İnkişaf Mərkəzi (KOBİM) tərəfindən "Psixoloji dayanıqlılıq" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Psixoloji dayanıqlılıq" mövzusunda maarifləndirici təlim keçirilib. Noyabrın 28-də təşkil olunan təlimdə Naxçıvan KOBİM-in eksperti tərəfindən psixoloji dayanıqlılığın mahiyyəti, streslə mübarizə üsulları, emosiyaların idarə olunması, çətin situasiyalarda adekvat qərarvermə, iş mühitində psixoloji tarazlığın qorunması və fərdi inkişafın rolu barədə ətraflı məlumat verilib. Eyni zamanda 7 nəfər iştirakçının olduğu təlimdə psixoloji müqavimət bacarıqlarının formalaşdırılması, motivasiyanın saxlanılması, mühit dəyişikliklərinə adaptasiya, iş yükünün psixoloji təsirləri və zehni sağlamlığın dəstəklənməsi üçün praktik texnikalar ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.