Xəbərlər

Naxçıvan KOB İnkişaf Mərkəzi (KOBİM) tərəfindən "Psixoloji idarəetmə" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Psixoloji idarəetmə" mövzusunda maarifləndirici təlim keçirilib. Dekabrın 1-də təşkil olunan təlimdə Naxçıvan KOBİM-in eksperti tərəfindən idarəetmədə psixologiyanın rolu, əməkdaşların davranış motivasiyasının analizi, emosional zəkanın rəhbərlik keyfiyyətlərinə təsiri, iş mühitində psixoloji sabitliyin təmin olunması və effektiv komanda münasibətlərinin qurulması barədə ətraflı məlumat verilib. Eyni zamanda 11 nəfər iştirakçının olduğu təlimdə psixoloji yanaşmaların idarəetmə qərarlarına təsiri, stres və konfliktlərlə işləmə bacarıqları, motivasiya modelləri, davranışa təsir edən daxili və xarici faktorların qiymətləndirilməsi və real situasiyalar üzərində tətbiqi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.