Xəbərlər

Naxçıvan KOB İnkişaf Mərkəzi (KOBİM) tərəfindən "Qiymət strategiyaları" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Qiymət strategiyaları" mövzusunda maarifləndirici təlim keçirilib. Oktyabrın 8-də təşkil olunan təlimdə Naxçıvan KOBİM-in eksperti tərəfindən qiymət strategiyalarının mahiyyəti, bazar mövqeyinin formalaşdırılmasında qiymətin rolu, xərclər, tələb və rəqabət faktorlarının qiymət siyasətinə təsiri, həmçinin müasir qiymətqoyma modelləri barədə ətraflı məlumat verilib. Eyni zamanda 7 nəfər iştirakçının olduğu təlimdə differensial qiymət strategiyaları, endirim və promosyon siyasəti, psixoloji qiymətqoyma üsulları, rəqəmsal bazarlarda qiymətin optimallaşdırılması və satış artımı üçün effektiv qiymət yanaşmaları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.