Xəbərlər

Naxçıvan KOB İnkişaf Mərkəzi (KOBİM) tərəfindən "Qlobal təchizat idarəsi" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Qlobal təchizat idarəsi" mövzusunda maarifləndirici təlim keçirilib. Oktyabrın 27-də təşkil olunan təlimdə Naxçıvan KOBİM-in eksperti tərəfindən qlobal təchizat zəncirlərinin mahiyyəti, beynəlxalq ticarət proseslərində təchizat idarəçiliyinin rolu, risklərin azaldılması strategiyaları, logistika əlaqələrinin koordinasiyası və rəqəmsal təchizat platformalarının tətbiqi barədə ətraflı məlumat verilib. Eyni zamanda 6 nəfər iştirakçının olduğu təlimdə qlobal bazarlarda təchizat strategiyalarının qurulması, tədarükçü seçimi və qiymətləndirilməsi, xərclərin idarə olunması, beynəlxalq standartlara uyğunluq və davamlı təchizat modellərinin formalaşdırılması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.