Xəbərlər

Naxçıvan KOB İnkişaf Mərkəzi (KOBİM) tərəfindən "Rəhbərin şəxsi keyfiyyətləri" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Rəhbərin şəxsi keyfiyyətləri" mövzusunda maarifləndirici təlim keçirilib. Noyabrın 14-də təşkil olunan təlimdə Naxçıvan KOBİM-in eksperti tərəfindən effektiv rəhbərin əsas şəxsi xüsusiyyətləri, liderlik üslubları, qərarvermə bacarıqları, emosional zəkaya sahib olmanın önəmi, komanda motivasiyasının təmin edilməsi və təşkilati davranışda rəhbərin rolu barədə ətraflı məlumat verilib. Eyni zamanda 7 nəfər iştirakçının olduğu təlimdə etik davranış prinsipləri, məsuliyyətli idarəetmə, şəffaf və ədalətli yanaşmalar, stresin idarə edilməsi, konfliktlərin həlli və davamlı inkişaf üçün rəhbər özünüinkişaf metodları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.