Xəbərlər

Naxçıvan KOB İnkişaf Mərkəzi (KOBİM) tərəfindən "Reklam vasitələri" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Reklam vasitələri" mövzusunda maarifləndirici təlim keçirilib. Noyabrın 6-da təşkil olunan təlimdə Naxçıvan KOBİM-in eksperti tərəfindən müxtəlif reklam vasitələrinin növləri, məqsədlərə uyğun seçim prinsipləri, hədəf auditoriyaya çatmaq üçün effektiv reklam strategiyaları və kommunikasiya kanalları barədə ətraflı məlumat verilib. Eyni zamanda 6 nəfər iştirakçının olduğu təlimdə real nümunələr üzərində reklam kampaniyalarının planlaşdırılması, media və rəqəmsal vasitələrdən səmərəli istifadə, həmçinin reklamın effektivliyinin ölçülməsi üsulları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.