Xəbərlər

Naxçıvan KOB İnkişaf Mərkəzi (KOBİM) tərəfindən "Rəqəmsal dövrdə emosional zəka və liderlik" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Rəqəmsal dövrdə emosional zəka və liderlik" mövzusunda maarifləndirici təlim keçirilib. Oktyabrın 6-da təşkil olunan təlimdə Naxçıvan KOBİM-in eksperti tərəfindən emosional zəkanın mahiyyəti, liderlikdə emosional bacarıqların rolu, rəqəmsal mühitdə komanda idarəetməsi, empatiya və ünsiyyətin əhəmiyyəti, müasir liderlik trendləri barədə ətraflı məlumat verilib. Eyni zamanda 7 nəfər iştirakçının olduğu təlimdə emosional zəkanın inkişaf üsulları, stressin idarə olunması, motivasiyanın artırılması, onlayn əməkdaşlıq mühitində liderlik bacarıqları və rəqəmsal dövrdə insan yönümlü idarəetmə ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.