Xəbərlər

Naxçıvan KOB İnkişaf Mərkəzi (KOBİM) tərəfindən "Rəqəmsal maliyyə" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Rəqəmsal maliyyə" mövzusunda maarifləndirici təlim keçirilib. Noyabrın 7-də təşkil olunan təlimdə Naxçıvan KOBİM-in eksperti tərəfindən rəqəmsal maliyyə anlayışı, elektron ödəniş sistemləri, onlayn bank xidmətləri, maliyyə texnologiyalarının (FinTech) tətbiqi və biznes proseslərində rəqəmsal alətlərin istifadəsi barədə ətraflı məlumat verilib. Eyni zamanda 7 nəfər iştirakçının olduğu təlimdə praktiki nümunələr üzərində rəqəmsal maliyyə vasitələrinin tətbiqi, risklərin idarə olunması, maliyyə əməliyyatlarının optimallaşdırılması və məlumat təhlükəsizliyinin təmin edilməsi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.