Xəbərlər

Naxçıvan KOB İnkişaf Mərkəzi (KOBİM) tərəfindən "Rəqəmsal marketinq" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Rəqəmsal marketinq" mövzusunda maarifləndirici təlim keçirilib. Sentyabrın 15-də təşkil olunan təlimdə Naxçıvan KOBİM-in eksperti tərəfindən rəqəmsal marketinqin mahiyyəti, onlayn mühitdə müştəriyə çıxış imkanları, sosial media strategiyalarının əhəmiyyəti, rəqəmsal reklam alətləri və müasir rəqəmsal trendlər barədə ətraflı məlumat verilib. Eyni zamanda 6 nəfər iştirakçının olduğu təlimdə kontent marketinqi, SEO və SEM imkanları, hədəf auditoriyanın müəyyənləşdirilməsi, analitika və göstəricilərin ölçülməsi, rəqəmsal platformalarda effektiv kampaniyaların hazırlanması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.