Xəbərlər

Naxçıvan KOB İnkişaf Mərkəzi (KOBİM) tərəfindən "Satış artımı üçün reklam posterlərinin hazırlanması" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Satış artımı üçün reklam posterlərinin hazırlanması" mövzusunda maarifləndirici təlim keçirilib. Oktyabrın 1-də təşkil olunan təlimdə Naxçıvan KOBİM-in eksperti tərəfindən reklam posterlərinin marketinqdə rolu, vizual ünsiyyətin satış prosesinə təsiri, dizayn elementlərinin seçimi, brend mesajının effektiv çatdırılması və müasir reklam trendləri barədə ətraflı məlumat verilib. Eyni zamanda 13 nəfər iştirakçının olduğu təlimdə rəng və forma psixologiyası, diqqət cəlb edən posterlərin hazırlanma qaydaları, dizayn alətlərindən istifadə, hədəf auditoriyaya uyğun vizual həllər və satış yönümlü kontentin yaradılması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.