Xəbərlər

Naxçıvan KOB İnkişaf Mərkəzi (KOBİM) tərəfindən "Satış – biznes inkişafının bir hissəsi" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Satış – biznes inkişafının bir hissəsi" mövzusunda maarifləndirici təlim keçirilib. Oktyabrın 13-də təşkil olunan təlimdə Naxçıvan KOBİM-in eksperti tərəfindən satış prosesinin mahiyyəti, satışın biznesin ümumi inkişaf strategiyasında rolu, müştəri ehtiyaclarının öyrənilməsi, effektiv satış texnikaları və bazar dinamikasına uyğunlaşma yolları barədə ətraflı məlumat verilib. Eyni zamanda 6 nəfər iştirakçının olduğu təlimdə müştəri münasibətlərinin idarə olunması, satış sonrası xidmətin əhəmiyyəti, satış komandalarının motivasiyası, rəqabət mühitində fərqlənmə strategiyaları və müasir satış yanaşmaları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.