Xəbərlər

Naxçıvan KOB İnkişaf Mərkəzi (KOBİM) tərəfindən "Satışı bağlama və müştəri ilə münasibətlərin qorunması" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Satışı bağlama və müştəri ilə münasibətlərin qorunması" mövzusunda maarifləndirici təlim keçirilib. Noyabrın 28-də təşkil olunan təlimdə Naxçıvan KOBİM-in eksperti tərəfindən satışı bağlama prosesinin əsas mərhələləri, effektiv danışıqlar aparma bacarıqları, müştərinin satınalma siqnallarının müəyyənləşdirilməsi, inandırıcı arqumentlərin təqdim olunması və etibar yaradan yanaşmalar barədə ətraflı məlumat verilib. Eyni zamanda 6 nəfər iştirakçının olduğu təlimdə satış sonrası xidmətlərin əhəmiyyəti, müştəri loyallığının qorunması, davamlı münasibətlərin qurulması, çətin müştərilərlə işləmə üsulları və uzunmüddətli əməkdaşlıq strategiyaları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.