Xəbərlər

Naxçıvan KOB İnkişaf Mərkəzi (KOBİM) tərəfindən "Sosial media ilə satış" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Sosial media ilə satış" mövzusunda maarifləndirici təlim keçirilib. Sentyabrın 24-də təşkil olunan təlimdə Naxçıvan KOBİM-in eksperti tərəfindən sosial media platformalarının satışda rolu, rəqəmsal alıcı davranışı, effektiv satış kanallarının seçilməsi, reklam və hədəfləmə imkanları və müasir sosial media trendləri barədə ətraflı məlumat verilib. Eyni zamanda 5 nəfər iştirakçının olduğu təlimdə kontent vasitəsilə satış strategiyaları, izləyici auditoriyasının müştəriyə çevrilməsi, sosial mediada ünsiyyət və etibarın formalaşdırılması, satış sonrası müştəri münasibətlərinin idarə olunması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.