Xəbərlər

Naxçıvan KOB İnkişaf Mərkəzi (KOBİM) tərəfindən "Storytelling" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Storytelling" mövzusunda maarifləndirici təlim keçirilib. Oktyabrın 24-də təşkil olunan təlimdə Naxçıvan KOBİM-in eksperti tərəfindən hekayə anlatma sənətinin marketinqdə və brend kommunikasiya proseslərində rolu, emosional əlaqə yaratma üsulları, auditoriya ilə etibarlı münasibət formalaşdırmaq üçün effektiv təqdimat və məzmun strategiyaları barədə ətraflı məlumat verilib. Eyni zamanda 10 nəfər iştirakçının olduğu təlimdə brend hekayəsinin qurulması mərhələləri, vizual və mətn əsaslı hekayə formaları, sosial mediada hekayələndirmə üsulları, autentiklik və yaradıcı yanaşmanın müştəri davranışına təsiri ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.