Xəbərlər

Naxçıvan KOB İnkişaf Mərkəzi (KOBİM) tərəfindən "SWOT analiz" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "SWOT analiz" mövzusunda maarifləndirici təlim keçirilib. Sentyabrın 30-da təşkil olunan təlimdə Naxçıvan KOBİM-in eksperti tərəfindən SWOT analizinin mahiyyəti, güclü və zəif tərəflərin müəyyənləşdirilməsi, imkanlar və təhdidlərin qiymətləndirilməsi, strateji planlaşdırmada tətbiqi və müasir biznes yanaşmaları barədə ətraflı məlumat verilib. Eyni zamanda 7 nəfər iştirakçının olduğu təlimdə praktiki SWOT analiz nümunələri, biznes layihələrinin təhlilində SWOT-un rolu, rəqiblərin qiymətləndirilməsi, inkişaf strategiyalarının hazırlanması və qərarvermə prosesində istifadəsi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.