Xəbərlər

Naxçıvan KOB İnkişaf Mərkəzi (KOBİM) tərəfindən "Təchizat platformaları" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Təchizat platformaları" mövzusunda maarifləndirici təlim keçirilib. Noyabrın 20-də təşkil olunan təlimdə Naxçıvan KOBİM-in eksperti tərəfindən müasir təchizat platformalarının iş prinsipləri, rəqəmsal satınalma prosesləri, platformalar vasitəsilə təchizatçı seçimi, qiymət müqayisəsi, təkliflərin qiymətləndirilməsi və proses optimallaşdırılması barədə ətraflı məlumat verilib. Eyni zamanda 6 nəfər iştirakçının olduğu təlimdə təchizat platformalarının üstünlükləri, risklərin azaldılması, şəffaf satınalma mexanizmləri, rəqəmsal audit imkanları, real platforma nümunələrinin təhlili və onların bizneslər üçün səmərəliliyi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.