Xəbərlər

Naxçıvan KOB İnkişaf Mərkəzi (KOBİM) tərəfindən "Təchizat zəncirində rəqəmsallaşma məsələləri" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Təchizat zəncirində rəqəmsallaşma məsələləri" mövzusunda maarifləndirici təlim keçirilib. Oktyabrın 16-da təşkil olunan təlimdə Naxçıvan KOBİM-in eksperti tərəfindən təchizat zəncirinin rəqəmsal transformasiyası, avtomatlaşdırılmış idarəetmə sistemlərinin rolu, məlumat axınının optimallaşdırılması, süni intellekt və analitik texnologiyaların tətbiqi və müasir rəqəmsal trendlər barədə ətraflı məlumat verilib. Eyni zamanda 6 nəfər iştirakçının olduğu təlimdə rəqəmsal platformalar üzərindən logistika proseslərinin idarə olunması, blokçeyn texnologiyasının tətbiqi, məlumat təhlükəsizliyinin təmin edilməsi, rəqəmsallaşmanın səmərəliliyə və xərclərə təsiri ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.