Xəbərlər

Naxçıvan KOB İnkişaf Mərkəzi (KOBİM) tərəfindən "Təchizat zəncirinin ticarət sahibkarlığına təsiri" mövzusunda maarifləndirici təlim keçirilib

Naxçıvan KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Naxçıvan KOB İnkişaf Mərkəzi (KOBİM) tərəfindən "Təchizat zəncirinin ticarət sahibkarlığına təsiri" mövzusunda maarifləndirici təlim keçirilib. Oktyabrın 14-də təşkil olunan təlimdə Naxçıvan KOBİM-in eksperti tərəfindən təchizat zəncirinin ticarət proseslərində rolu, məhsul dövriyyəsinin səmərəliliyinə təsiri, xərclərin idarə olunması, logistika və ehtiyat planlamasının ticarət fəaliyyətində əhəmiyyəti barədə ətraflı məlumat verilib. Eyni zamanda 6 nəfər iştirakçının olduğu təlimdə tədarükçülərlə münasibətlərin qurulması, təchizat proseslərinin optimallaşdırılması, bazar tələbinə cavab vermək üçün çevik strategiyalar, rəqəmsallaşmanın və innovasiyaların təchizat idarəetməsinə təsiri ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Naxçıvan KOBİM tərəfindən göstərilən bütün xidmətlər ödənişsizdir.